Homeless Film Festival aukeratzen dugu

“Si me das a elegir”. Horrela du izena Zenbatu konpainiak gaur arratsaldean Homeless Film Festivalen aurkeztu duen antzezlanak. Eta aukera ematen badigute, Homeless Film Festival aukeratuko dugu, eta halaxe egin dute Homeless Film Festival jaialdiaren lehen eguneko arratsaldeko pasean Bizkaia Aretoa lepo bete duten bostehun pertsona inguruk.

Esan bezala, Bizitegiren Zenbatu konpainiak, jaialdiko klasiko batek, ireki du gala hau. Ivan Iparragirrek zuzentzen duen taldeak proposamen erakargarria aurkeztu du, gizarte kritika baztertzen ez duena, runba erritmoan ondua.

Antzezlanaren zuzendariak, Ivan Iparraguirrek, adierazi duenez, hunkituta eta pozez gainezka etorri da taldea gaurkoan, aretoan bildutako ikuslego bikainaren aurrean bere obra antzeztu ahal izateagatik.

Eta aukeratzeko ematen digutenez, zergatik ez aukeratu funtzionatzen duena. Zenbatu-ren lanaren ondoren, Ibarrekolanda BHIko ikasleek egindako koreografia ikusgarriaz gozatu ahal izan dute ikusleek, Doctor Deseoren Cuánto frío hace en Saturno abestiaren erritmora. Goizeko saioan bezala, Ibarrekolanda BHIko ikasleek Francis Díez talde bilbotarraren abeslariaren laguntza izan dute. Emanaldiak entzuleen txalo zaparrada ozen bat piztu du.

Saio honi amaiera emateko, Ibarrekolanda BHIko Arte Eszenikoen Batxilergoko ikasleek “Zuen aulki hutsak gure noraeza” antzezlana antzeztu dute berriro. Goizean bezala, Igor Martín de Vidalesek zuzendutako lanak emozioak piztu ditu bertaratutakoen artean.

Eta arratsalde zoragarri honi amaiera emateko, emozioz gainezko egin du aretoak Bizitegi elkarteak Francis Diezi urte askotan zehar emandako laguntza aitortu nahi izan dionean. Eskerrik asko Francis!

Eta eskerrik asko Homeless Film Festivalen gaurkoa bezalako egun bat bizitzea posible egin duten pertsona guztiei. Bihar honek aurrera jarraituko du. Bitartean, aukeratu gozatzea!